simonshen
patreon
【讀者分享🇭🇰】圖窮匕現：免試引入外地醫生，是清算醫療的一著重棋
🕑 Added 2021-05-19 11:02:00 +0000 UTC【以下是一位香港醫生讀者的分享，回應最新公佈的「完善」醫療制度政策】
國安法後時代，南深圳政府正以光速改造新香港，無論在法制、公務員體系、管理文化等各方面都極力掏空原有structure，融入大灣區，醫療界自然不會例外。最近南深圳政府推出醞釀已久「免試引入外地醫生」條例草案，坊間嘅討論大多集中係吸唔吸引到外地醫生，遠水救唔救到近火，五年先可以全面註冊係咪太長等等，都只係見樹而不見林，捉錯用神之見。從來南深圳政府壓根就沒有諗過會否引起社會反彈或者解唔解決到醫護人手不足問題，修例係為左配合更宏大嘅國家佈局同南深圳全面融入大灣區嘅國策，比起上嚟，香港人嘅醫療福祉不值一晒。要睇清楚 成個佈局，就要連同「國安法」、「宣誓」、「移民潮」幾個方面睇先至了解到今時今日提出「引入外地醫生」草案嘅真正意義。
放諸 2021 年今日，「港區國安法」實施之下，2020 年 2 月嘅「醫護大罷工」一定會被定性為「顛覆國家政權」，今時今日只係搜到懷疑「港獨」標語都以涉嫌違反國安法的罪名被扣押，當年以「扣糧」方式處理係明顯地不合比例地輕，「禍首」除左主席余慧明因涉立法會初選案外無人再需問責，呢個「法律漏洞」係南深圳政府當局眼中一定要堵塞，「公職人員需宣誓效忠」正 正就係靈丹妙藥，將會成為所有醫護人員頭上嘅「緊箍咒」。
但醫護人員唔係公務員 ，佢哋嘅專業無論係私家市場定係外國都有一定價值，所以份工嘅包袱對醫護嚟講無薪高糧準嘅公務員咁大，所以當日先會有過萬名醫護敢行出嚟參與罷工。所以一旦要強制推行公立醫院醫護人員要宣誓效忠，離職嘅人數一定遠超公務員體系，宣誓帶嚟嚟離職潮將會引起對醫管局服務帶來嚴重打擊。醫管局管理當局深知當中嘅隱憂，所以幾日前醫管局主席范鴻齡先放風係電台節目到講與管理無關的人員未必需要宣誓，只負責醫療決定嘅前線醫護人員相信不會包括在內，但係「具體上仍有待政府之後的公布」。
范鴻齡嘅邏輯係一般人嘅邏輯，但係唔係南深圳政府嘅邏輯。君不見係公務員體系內需要宣誓嘅絕大部份都係前線人員？一個前線消防員、救護員同管理完全無關，點解都要宣誓效忠？係衞生署工作只係負責醫療決定嘅醫生點解需要效忠？宣誓人員嘅考慮從來只係身份而唔係工作性質。要范鴻齡上電台放風，想必政府內部同醫管局高層係宣誓上仍未達成共識，就係怕引嚟大規摸嘅醫護離職潮。
事實上，即使未強制醫護宣誓，現時公立醫院已經存在離職潮：宜家香港醫護界最迫切嘅問題係點樣拎到外國嘅執業資格，香港嘅專業執照換取外地執業資格，公立醫院的醫生飯前飯後的話題都是如何舉家搬到西方文明之地，英國可否直接執業，加拿大需要考執業試，澳洲哪些專科移民分數較高。離職潮經已對公營服務帶嚟打擊，有部份服務因缺乏人手而被迫暫停。連醫管局行政總裁高拔陞都承認有大量員工有移民情況，大多數係具經驗嘅人才。實際嘅情況係流失嘅絕大部份都係有家庭，三十至五十歲已經考取專科牌照嘅專科醫生，佢哋係公立醫院嘅骨幹成員，肩負起前線臨床工作外，仲有專科醫生嘅培訓工作。
事實上，香港醫生嘅薪金係全世界嚟講係數一數二，除左新加坡可以媲美外，去英美澳紐執業嘅稅後人工可能只及香港嘅三分之一，係咁嘅情況之下仍有大量醫生離潮移民，要吸引已經係外地受訓、適應當地生活嘅香港留學醫科生回流到港根本係緣木求魚，不切實際。 所以呢個「免試引入外地醫生」條例修訂，從英美澳紐加等地受訓回流嘅醫生只 係愰子，從來都係劍指深圳河以北嘅「內地 精英」， 前文都討論過 盧寵茂多年經營嘅「港大深圳醫學院」將會成為未來重要 嘅醫生來源，甚至會成為未來香 港醫護界嘅「造王者」。呢個推測是否真確，只要睇下為過半數都係由特首委任，負責決定 100 間醫學院名單嘅委員會，他日制訂名單有無「港大深圳醫學院」便可知一二。
再放遠啲睇，香港嘅人口因為移民潮及出生率持續下降而出現負增長，政府宣佈放寛「專才輸入計劃」來填補人口，係呢個角度下， 為醫管局、香港市民保留醫護人才從來都係空話，「黑醫護」要走要離開求之不得，「免試引入外地醫生」就是配合大局必定要修改的法律 框架，配合「國案法」、「公職人員宣誓」，為南深圳奪舍換血的重要一步。
(圖：立場新聞)
