simonshen
patreon
【堅離地國際日報🇦🇫🇺🇸🇨🇳】美國從阿富汗撤軍，中國乘虛而入？
🕑 Added 2021-07-06 14:31:59 +0000 UTC近日美軍和北約部隊終於正式從阿富汗撤軍，雖然完全撤出日是象徵性的9月11日，但主力已經大部分撤走。自從2002年推翻塔利班政權，轉眼間差不多20年。但20年過去，塔利班依然勢力龐大，美軍一公佈離開，塔利班武裝份子馬上在中東、中亞活躍起來，以武力推翻現政府重建「酋長國」，絕非不可能。
更複雜的是中國已準備大舉進駐阿富汗地區，填補現時區內的真空，這對未來世界局勢影響，可大可小。阿富汗政府近日正積極與中國相討一份涉及620億美元的投資協議，作為中巴經濟走廊(CPEC)的延伸，當中包括興建高速公路、鐵路、能源管道等，熟口熟面，自然屬於「一帶一路」模型的一環。
阿富汗政府過去一直擔心，加入「一帶一路」，會引來美國政府反彈。但現時隨著美軍撤走，阿富汗政府現時急需一個盟友，能夠提供資源之餘，又能提供軍事援助，美國總統拜登卻遲遲未有具體承諾。相反中國外交部上月已承認正與「包括阿富汗在內的」不同國家商討延伸CPEC計劃。由於阿富汗處於歐亞大陸中心，對「一帶一路」的擴展，有重要戰略地理作用。與此同時，塔利班和中國的關係，亦遠較和其他西方國家好，去年有消息指中國對塔利班表示，如能在美軍撤出後「維持和平」，中國就會對阿富汗不同地區的「能源和基礎設施項目進行可觀投資」。目前塔利班控制了大片阿富汗土地，中央政府不過能守住首都罷了。
究竟中國要在阿富汗參與到多少，目前尚未可知。大撒幣是肯定的，但是否要駐軍？阿富汗卻是一個著名泥沼。阿富汗各部落不可能對外來軍隊無動於衷，無論是蘇聯、美國還是中國，都不可能適應當地環境，結果也都無功而還。但假如不派解放軍，單是派錢，一旦敵對勢力坐大，卻又可能一鋪清袋。何況進駐阿富汗，確是「大國崛起」的象徵。以今天中國政府的高度自信，面對這「千載難逢」的機會，會take這一個risk嗎？
Comments
悉尼 袋鼠
過去40年，邊個差隻腳入阿富汗，佢就一定無運行；從另一個角度睇，阿富汗嘅塔利班佔領區，或者會成為東突厥Jihad聖戰嘅後勤基地。
Good Year
唔會的, 中國只會磅水, 你唔好搞我中巴走廊, 我咩都睇唔到。塔利班呢手棋, 其實週邊仲頭痛, 以塔利班講過唔算數既往績, 彊獨, 一帶一路令中國頭痛, 邊境佢地同德黑蘭又唔多老朋友, 新冠疫情下德黑蘭面對以色列同沙地都頭痛背脊有塔利班! 整個區域因為美軍走,整個中亞隨時爆鑊
阿寶
弊多於利！但係為咗構建人類命運共同體，就焗住上！
wai leung
如果中共註軍，都幾肯定會露出戰力不足既弱點，解決軍只係識對付手無串鐵既中國人，對付外國軍隊或恐怖份子，都應該束手無策
hei lok wong
想多聽聽美軍角度的分析
德州公
權力真空，你中國唔填，第二個填. 你中國去填，就要攞硬通貨去填（無人要人民幣嘅）. 你去填，就要額外預算. 聽聞，中國BRI喺埃塞俄比亞因為 Tigray region 動亂而瀕臨泡湯，如果唔係使乜打電話去德法兩國「共襄善舉」？依家塔利班又伸手攞錢....睇嚟，中國又要搵普京救命....
Leo Ng
B跟X說：「契哥，臺灣同埋歐盟兩壇嘢，我話唔倒事。嗱，我宜家俾番阿富汗張靚牌你上，你自已執生啦。」
小熊分析員
教授可唔可以講下塔利班控制地區同俾路支省既分別
Yu Yu
感覺美國係阿富汗真係好吃力不討好， 留守：塔利班不斷施襲，在穆斯林世界延續侵略者現象，越南式泥沼 撤出：政治真空，塔利班反cap，20年反恐戰爭一場夢⋯
T
中東勢必更亂。 令到以色列更加不安
思前想後
還是只係放低塊蕉皮？
?!?! ?!?!
估唔到有波蘭球，唔通教授條team都有人鍾意睇？
Boris Lam
又有一位客人來訪帝國墳場🤭
Neil Chu
美國人/美國政府真係考慮唔到教授所提出嘅問題?
