simonshen
patreon
【讀者分享】曖昧時代：「新香港」會如何管理Mirror、Error的「群眾活動」？
🕑 Added 2021-07-09 22:31:01 +0000 UTC關於「Mirror現象」，大體上同意教授分析，不過我估現時黎睇，有些細節和國情未必完全一樣，可以從最近幾星期有兩件事對比睇到少少脈絡。
第一件小事係六月底Error其中兩個成員搞活動，當時現場大約三百幾人，警察聲稱收到投訴要清場，當時警力明顯是比較多，甚至是比較強硬咁要fans離開。結果是令主辦方暫時中止活動，後來都要隔開晒啲fans先繼續活動。不過警察其實無真係驅逐晒啲fans，主要都係以隔開為主。
第二件小事就係7月2號尖沙咀啲fans去朝拜教主，當時現場成千人（大部分係女士），同樣有警察出場，但是只是四個，而且警察係完全搵唔到「主辦方」之後，只能夠隨意叫人唔好聚集（當然事後有人話當中有啲神徒都食左告票），和error唔同既係警察無叫到武力增援，而明顯用四個警察黎「勸喻」千幾人，都唔太似要認真打算去扼殺呢種聚集（之後呢幾日越嚟越多人，都無見到好似7月2日個種認真既明顯執法）。
呢兩件事既對比或者可以有點觀察，當然error個場景可能真係阻擋左馬路或交通，但如果政府已經鐵心鎮壓呢類行動，咁係error聚集入面做既事情，完全可以replicate在「七七盧瀚霆事件」入面，而且可以以加倍警力去鎮壓。不過呢種做法係7月2日對住以女性（及大媽）為主的群體，卻可以帶來極明顯的反效果。以「我老婆嫁比mirror導致婚姻破裂關注組既熱烈情度黎睇，咁樣做既後果可能不堪設想，如果上埋國際新聞，更不會是政權此刻所樂見。
呢兩件事處理手法既差異，或者真的和明顯的政治性取態有慣，Error的成員是比Mirror更明顯地表達「親黃」的立場。不過，另一個解讀也可以是暫時（注意，我只係講暫時）政府仍然未有一個系統性既手法去處理呢種「群眾聚集」，又或者佢地太多戰線要處理（傳媒、教育、社會組織、宗教組織），對娛樂既處理未係優先。當然你可以話政務司司長李家超已經講左要「防範娛樂等軟性滲透」，但係畢竟暫時係粉絲未出現明顯的政治性對抗或立場之前，政權的控制明顯仍然有其優先次序。
再者，若從國情討論，「我是歌手」、「中國好聲音」反而都係比較大型既官媒底下持續推出的音樂節目，「中國好聲音」更加是官方就導下大力推動的節目，可以理解政權未到愚蠢到要全面扼殺任何娛樂（呢個係納粹德國或前蘇聯做的事），反而是要一種regulated的娛樂追星。一方面追星可以消耗人民既精力時間，唔會過分留意新聞或時局，而另一方面，全面鎮壓帶來的反效果可能更大，要鎮壓就會冒住令不理時局既粉絲都會反感，比起暫時容忍的代價更大。當然你可以話政權全面控制就一定唔會理呢啲代價，但這種論述某程度上忽略了中共最強的一點，就係用經濟和娛樂等生活層面的成果黎justify佢既legitimacy，而呢個手法也明顯比起外人以為的成功得多（當然還有黨國教育等的輔助底下先成功）。
如果從娛樂公司的角度而言，我們不應該忽略Mirror和Error背後的是PCCW，而在PCCW裏面，除左李澤楷代表既李氏家族是大股東之外，另一個大股東正係中國聯通，佔股接近兩成（中國聯通的角色身份，教授之前多有提及，呢度不多解釋），所以政權完全有空間去影響公司或藝人的走向。在連登有一批網民長期批鬥mirror（間中包括error），正正是因為他們為藍色（或紅色）資本的公司賣廣告，而且立場很「曖昧」。無可否認，這種「曖昧」或者正是花姐或Viu（可以包括埋PCCW）的「聰明」之處，暫時避免了歸邊的問題，幫藍或紅色資本賣廣告，也可以講是一種暗裏「表忠」的行為。而PCCW裏面的紅色資本，或者暫時提供左一種保護作用。當然到底仲可以保護到幾耐，就視乎香港政府（和背後更大的人）的整體取態點樣。
有一件小事也觀察到呢點。五月的時候曾經有學者提倡要mirror（特別指名姜濤）替政府宣傳打疫苗，當時花姐是公開表示因工作緣故未有空間協助宣傳。但是事隔一個星期左右，就有娛樂新聞報道姜濤打左疫苗（無記錯係講明打BioNTech），而當時官方解釋也是講主要為到海外公幹的緣故。當時兩件事未必有casual relationship，但是這種新聞「洩露」到底係咪有部分用意，就不能排除。
當然，正如部分網友所講，或許花姐真的在擔心到某一日不可以再在這種暖昩的空間下遊走時，就必定要到取捨既階段（而我也相信應該在將來就有呢種抉擇既時候，例如幫政府賣廣告）。不過，與其擔憂，倒不如在仍然有的空間底下去堅持我們自己的信仰和生活。有趣的是，不少「鏡粉」是有相對鮮明的立場，而追星也的確會形成明顯價值觀上既連結，呢點暫時政權係未有太明顯統一既回應/打壓方法（所以我認同教授所講，政權好可能要搵方法regulate成件事）。
正如某句歌詞所講：「靈魂內有信仰 搶不去 這種搶匪也許 比你畏懼 想保無邪之軀 還是必須好好過下去」 —— 林二汶 《最後的信仰》
利申：鏡粉（主要係柳柳粉，都鍾意教主），嘗試從鏡粉內部的一點角度，回應教授的觀察
Comments
Jacky Fung
讀者分享黎架。
Wayne Yeung
Simon, 你的意思應是 “Causal Relationship”?
德州公
認為太多戰線，無暇兼顧. 官僚體系其實好懶.
zzz1eep
真係連丁點放鬆嘅渠道都要壓下來，真苦
