【讀者分享】回應《林鄭月娥の奪舍》：香港人的悲劇根源，來自哪裏？

德州公

作者最後佛教徒表白，實屬畫蛇添足. 現代佛教不堪回首. 小弟依附的善知識唯線裝書. 其餘一切，敬謝不敏. 明.憨山大師指出：若知前世因. 今生受者是. 若知未來果. 今生作者是. 學佛人士大概對以上應該毫無異議. 但中國香港現代佛教徒最大特色就係強調今生果係前世因. 萬事萬物都以因果解釋，我認為用意良善，但對於弘揚佛法並無成效，簡單講並沒有對機說法. 實屬遺憾. 愚以為香港現代佛教缺乏「慈悲」. 佢哋好明顯漠視或者忽略 「若知未來果. 今生作者是」. 將來係點樣，今生嘅作為就會定奪. 千祈唔好以為，三世係要人死亡先至為之三世. 啱啱過咗果一剎那，就已經三世. 所以。對於香港事件，香港佛教界/佛教徒「無動於衷」，並無任何慈悲關懷. 過去因果，無從改正，但活在當下作出關懷，成就未來善果，遺憾地香港佛教徒完全缺席. 1937 抗日時候有啲佛僧都鼓吹「一殺多生」. 2019 香港佛教界就粒聲唔出，無任何說法. 厲害厲害. 淨空法師開示：「施主一粒米，大如須彌山，今生不了道，披毛戴角還。」所有上師，高僧大德宜注意. 正所謂地獄門前僧道多是也.

Rodimus Prime

黃藍互鬥呼天搶地見得太多 就是沒有見過人虛心自省 此文高質高階 所以以上諸君有不同解讀 也很正常

Gary

相信此文作者，都是 good intentions: 希望每個人都能夠修心，各自從善因作起。 世人不信因果，是因為見到「殺人放火金腰帶，修橋補路冇屍骸」。發生在别人身上的因果，大家沒有「宿命通」，都不會看得透，更何況是無數「蝴蝶效應」疊加起來的「共業」。 所以「因果」只應從自身上觀，以作自身的修行。若以別人現今的不幸遭遇，而遑論他「應有此報」，是十分涼薄的。

香港人有今日係因果報應？

敝人無緣亦無錢拜讀沈博士奪舍之鴻文，但對佛教徒之回應又幾點思考。 1，全體香港人的共業很明顯只報在了年輕人身上。黃之鋒，周庭等很多在囚的年輕人都在回歸後才出生。佛教徒可否指教一二，他們作了什麼業？還是現在報的是前身的業？ 2，共產黨的業報了嗎？若然未報，時辰未到？ 3，閣下寫道// 即使中共消失、香港有雙普選，也不見得香港人一定有好日子過// 但我上下前後看了十篇，都看不懂閣下的邏輯 如何得到這個結論。歷史沒有如果，沒有人可以知道香港可以過得更好 或 更不好 without 共產黨。除非你是Dr. Strange 可以透視所有平行時空。 4，為共產黨洗白的文很多。用共業 因果 還是真頭一回見，更得博士加持貼堂，阿彌陀佛。 5，既然上師都無動於衷，你又可苦在此作千字文回應？ 完

CF and WS

很同意你的回應。此文作者的文筆很好，但是我覺得他沒有好好理順香港人自私、「走精面」的特質，其實和香港咁多年來積壓未解決的歷史、結構性問題的因果關係，然後就跳左去批評上一波移民又回流的香港人搞到香港百物騰貴(吓，論基數論程度，點都係大陸人爆買+地產商+政策傾斜的破壞力大得多啦)，跟住就跳去佢嘅論點：咁樣嘅人民就有咁樣嘅政府，所以唔關政治事，唔關中共事... 其實此文若果把討論範圍收窄一下，集中理順一個論點，以事實例子佐證，或者會帶給大家一些洞見(insight)，現在卻讓我讀來覺得似為掌權作惡者 muddying the water 的萬能 key 文章，可惜

Annisa Tong

//上師們相信任何事情發生都是因果，大家不論立場，都一同在香港這地方生活，任何事情發生，都是全體香港人的共業。好事發生，自然是以前或過去世的福報和善業所致，反之亦然。// 其實關於呢點，我都想問，咁香港或放諸世界任何一個角落，「共業」就不關上師們事？所以置身事外？

D C

Quality content

咁即係香港人全都共業抵死，香港人不配有自由民主，邊個執政都係自私冷漠嘅港豬？同埋因為「最可怕的不是中共、或者沒有民主，在時間永恆的長河裡，這些統統都微不足道。 」,所以一代港人嘅人生，理想同尊嚴被摧毀就「微不足道」？自己鐘意念佛咪返去念佛囉，釋迦國都滅亡咗，你係咪希望香港都滅亡先？

NewOrder11

香港不可避免嘅共業？恕不敢茍同。 既然昨日嘅因種下今日嘅果，咁今日嘅因都可以種下明日嘅果。 所有人都可以用歷史去歸納出現實世界， 但又有邊個可以好斷然地將現實世界嘅所有事歸納出所有未來。 香港會成為今日嘅香港， 係各方傾軋嘅後果，包括但唔限於香港人。 今日有人選擇乜嘢都唔做乜嘢都唔講其實已經係一種選擇，而佢嘅選擇亦都影響未來。

hei lok wong

文章的核心是一個辛辣的問題：所謂香港精神的核心，是否便是從個人主義催生出的投機與犬儒？ 對此我也難有答案。但我認為林鄭至少從兩個層面上，難以embody香港人的精神面貌： 1、從政治學層面上，林鄭畢竟並非民選產生的特首，至少沒有跟民意授權形成狹義上的因/果關係，沒有政治上的代表性； 2、若對林鄭奪社前後作觀察，林鄭亦早已超越了平庸之惡級別的傀儡的角色——從一地兩檢、故宮博物館到（很可能是由鄭市長獻計的）逃犯條例，以及近兩年發生的一切，她之所以令香港人深痛惡絕，正是因為她不只是官僚機器，而是「做到盡做到絕」、「鬥紅鬥左」的自動文革絞肉機。 誠然，從佛學的廣義角度出發，林鄭的出現與蛻變都可以說是香港人自己種下的因果：比如說，對中共抱持僥倖心理、97過渡期間沒有明顯的反抗，「導致」了大陸對香港政府一步步的蠶食和林鄭此類人的上位。 但我認為這個層面的佛學有一個is-ought問題沒有問：事情就是這麼發展過來了，是否就代表事情理應如此，我們就應該無動於衷地接受事情的結果？就以剛提到的「97共業論」為例，許多在97過後出生的年輕人根本沒有自主種下97的因，而是被上一輩種下的「因的洪流」推向前，承受了果。我們要用怎樣的因果去開解他們？難道只能訴諸前世不能經驗的因嗎？

AF0813

好正確. 好同意!

Dennis Lee

真知灼見

Nic

呢波移民潮走的人未必會同97移民潮一樣, 幾年之後回流. 八九十年代係香港最好的年代,而且當年香港係娛樂皇國, 有港產片, 有流行曲. 嗰時走的人, 係香港本身都唔錯, 嗰個年代得部電話同電視. 無internet. 悶, 難融入外國社會係真. 咁就更加掛住香港流行文化, 香港的日子, 咁樣悶佐幾年攞佐Passport之後, 係二千年頭, 嗰時香港樓價今日睇返極抵買. 加上香港人工高, 生活多資多彩, 回流係好自然. 問題係2010年之後, 樓價係咁上, 自由行又搞到香港人有假就要搵機票走佬避世, 2013後開始出煙霧彈, 嗰時開始見到回流返嚟的人間唔中走個, 間唔中走個. 原因多數係生仔唔够地方同空間住, 係香港返工太大壓力又無得上位. 同期開始見到有唔少無乜本錢的年輕人Working Holiday由玩玩下, 到之後唔返嚟落地生根, 一切, 又係好自然. 係外國差極, 都係Shared Apartment, 點到好過香港劏房或者公屋瞓廰. 今時今日, 你係香港都唔睇電視, 唔打電話, 個個用facebook, whatsapp, youtube, netflix, 反正係香港放假都無得落街, 一樣係悶爆先會個個一年飛四五次. 再講今日走的年輕人, 有乜野香港情懷畀佢地掛住? 掛住tvb? 最大的香港情懷就係19年建立的香港人身分認同. 今時今日係香港走出去, 1m美金, 係香港只可以買400呎家庭上車新盤, 係外國可以買400msq+私家泳池house. 普通二三百萬港紙已經可以買到够一家4口住的港式千呎單位. 今時今日走的香港人, 不論任何年齡層, 不論拎住幾多本走, 走佐, 都一定比係香港過得輕鬆寫意. 就算再睇長5年後的香港, 如果樓價5年後唔升唔跌, 你回流係點樣的居住環境? 你期望5年後回流搵工乜野人interview你? 走佐會再返嚟? 我睇未必. 至於政府, 典型的食老餅老海鮮投資者格. 早幾年揸旗嗰個日日出嚟講土地問題, 一邊繼續托起香港樓市畀班收成期繼續收成, 另一方面老吹大媽區, 畀班韭菜住, 日日港豬哦當係解決問題. 呢D政策今時今日堅有報應. 林鄭除佐當年唔識用八達通之後, 仲有參觀商湯之前有如劉佬佬入大觀園, 今時今日, 應該日日光榮而又自豪咁數現金, 邊洗用fintech. 老人政府旧思維, 2019做錯咁大咁多, 2021會突然唔錯? 擲骰仔應該都掂過佢. 都係嗰句, 可以敗佐700萬身家的人, 敗14億身家無難度.

Will Seaman

當納粹來抓共產黨人 我保持沉默——我不是共產黨員 當他們關押社會民主黨人 我保持沉默——我不是社民黨員 當他們來抓工會會員 我沒有出聲——我不是工會會員 當他們來抓猶太人 我保持沉默——我不是猶太人 當他們來抓我時 再也沒人為我說話了 德國神父說的 也無非因果 法輪不獨菩薩轉 傳燈豈止老維摩 金剛好破魔 修羅能剋天 是別本兄弟爬山

Thomas Tong

萬般帶不走。唯有業隨身。是耶，非耶？又有誰可以說得準。不過，用這位讀者的視點看這個世界的ups and downs.... 至少不會時常處於不解，無助及憤怒的狀態。

Calvin Tong

這篇文章實在寫得精彩，所謂菩薩畏因，凡人畏果，我們凡夫俗子只能夠見到惡果才識得驚。