simonshen
patreon
【突發時空🇭🇰】雖遠必誅：政府封殺離職AO，可以去到幾盡？
🕑 Added 2021-08-12 23:01:02 +0000 UTC「憲報」《星島日報》「引述消息人士」，有「政府高層」（按前文後理應是公務員事務局局長）向公營機構（即類似機管局那些，可能還包括港鐵一類公營企業）發信，警告它們不要聘請已離職的政務官（AO）。在過去一年，有高達36名AO辭職，創歷史新高，原因除了「你懂的」，還有甚麼呢。
這種小家的做法，反映了「新香港」無所不用其極用經濟手段打壓、管制的「特色」。理論上，公營機構、公營企業要聘請什麼人，自然應該「獨立自主」，假如在「舊香港」，政府高官發這樣的信、甚至說這樣的話，已經是醜聞；但在「新香港」，卻「正常不過」。那些公營機構負責人自然心領神會，無論辭職AO是否因為政治原因，反正寧枉勿縱是「新香港」哲學，又怎會違背「有關方面」聖旨呢？
AO的薪酬，在香港打工仔當作自然非常高，要找到同類薪酬並不容易，這是為甚麼很多AO（甚或EO）明明對「新香港」很不滿、但又不能下定決心離開的理由。能夠承擔這種薪酬的，以往確是以公營機構、公營企業為主，當然也可以是商界，但通常商界只會接收人脈最好那一批AO，至於文字功力優秀那些，在「新香港」，已經沒有多大用途。假如「不請辭職AO」成為職場潛規則，恐怕他們連在商界找後路也成問題，風聲一傳出，在「新香港」，很快又會變成「聽話就唔好請任何辭職公務員」，而公務員收到這種信號，除了會更堅定仇恨，卻也會更不敢走出去。
然後又然後，香港人恐怕很快連辭職的自由也沒有。就像昔日移民、升學光明正大，現在卻沒有人敢公告天下、彷彿嫖妓般偷偷摸摸；要是政府要「杜絕」以辭職「顯示自由意志」這「漏洞」，以免太多公務員、或被整肅行業人士辭職帶來尷尬，的確又不是不可能。本來香港打工仔的選擇，除了留下來、離開香港，還有留在香港但辭職轉換跑道。政府假如斷絕第三條路，自然可以改造數據。然後，就可以對外宣傳說「沒有多少人辭職，可見大家非常接受國安法、新香港」。
可以去到幾盡？未知。這個政府的創意，永不會令人失望就是。
Comments
Jackie Hui
長hold風險不見㡳，止蝕離場是良知
Alvin
借用希拉莉名句，what difference, at this point, does it make?
miuying yu
两地公務員公職互換，是一種訊號，香港不像以往般需要那些AO了。
Felix
迫AO移民,外國政府定必要佢哋爆料交心,真天才
Ambrose Yue
"彷彿嫖妓般偷偷摸摸" 唔好詆毀嫖妓, 睇下蔡展鵬CASE, 光顧無牌按摩店都可以係光明正大
Martin Chan
同意，個意思就係我吾嬴你都吾駛旨意WIN！
Francis Sham
南深圳政府嘅做法就好似打蔴雀咁，自己明明食唔出糊，都想盡辦法唔俾其他三家食！
Kenneth
辭職嘅，都係想走嘅多數
Good Year
AO 起薪點5萬6 最高11個1個月, 私人機構都唔係易搵
Good Year
英文好囉
LEO
呢種斷人後路做法，似比卡超同後面掌權個批用慣既粗暴手法
Good Year
AO的薪酬，在香港打工仔當作自然非常高 < 唔係追殺容易, 係人工太高, 97以來, 私人市場大扭轉, 人工拾級而下, 多年無點上過。 反而公務員人工無調過咩滯, 仲年年有人工加, 試下減半人工? 唔愁無工開啦, 又或者投身慈善會唔會又無人要? 之前咁高人工, 買買埋埋D 資產 賣DD已經食過世啦,! 嘆慣左, 人地一收, 你就完, 同豬其實無分別, 無vision就係咁。
阿寶
冇辭職嘅自由、冇唔參選嘅自由、冇唔投票嘅自由...... 唯有好似近年嘅日本漫畫題材咁樣： 轉生到異世界了！
Thomas Tong
人生總有不同限制及無奈。不過如斯境況，如果没有太大家累及負擔。可能找尋人的另外一些可能還是好些。因為問題是，已經没有可以估到共產黨下一步會做什麼。不過，愈來愈多例子告訴我們，林行止的蝎子故事，相信四十年前的他也善良願望地希望不會成真，但是，蝎子本性如此，誰也改變不了。
Lai William
能夠做到AO，雖然唔敢講一定係人材，但起碼都有返咁上下quali 做公營機構都仲叫服務社會，咁都要斷人路，無疑係叫人死心快啲走重新嚟過
Cheung Kee Man
冇話可説，人生不要花時間去跟這種機構打交道了
Joseph Chui
咁咪即係叫人快D離開香港。人錢兩失，攬炒香港自我實現，完成，耶👍🏻
