simonshen
patreon
【讀者分享✈️】 「鍾意嚟就嚟，鍾意走就走」：這是回應港人移民潮的態度嗎？
🕑 Added 2021-08-21 01:01:02 +0000 UTC政府統計處公布年中人口數字，一年間有89,200人移出。經民聯立法會議員梁美芬回應時稱，不屑有關數字，但尊重不同人的選擇：「鍾意嚟就嚟，鍾意走就走。」梁批評，將把離港人數增加歸咎於《港區國安法》的落實為「膚淺」、「為己所用」。她認為，移民不分政治光譜，「黃藍都會走」，認為不少人因為「驚咗2019年嘅暴力事件」，選擇移民到中國內地（？！）尋求較安全的生活，故不能把現況歸咎於單一原因。
而新民黨立法會議員葉劉淑儀則認為，很多人不清楚外國清況，「帶幾百萬過去，就以為夠生活」。她更指，香港向來人來人往，有人想離開香港是很平常的事，「個歷史就係咁，一啲都唔出奇。」她強調，不應對只有一年的數據過度解讀和擔心，估計香港環境再次回復正常後，離開的人會回港。
首先，我要高度讚揚兩位女士嘅政治正確態度，同時亦都好希望佢兩個唔好放棄治療。活喺自high嘅平衡時空當然感覺良好，也需要面對現實，老實評價。
一年走九萬人係一個咩概念？即係佔咗全香港人口1.2%左右，而且呢個移民潮只係啱啱開始。根據聯合國移民處《世界移民報告2020》數據，全球嘅移民人口比例大約係4%，香港一年已經有1.2%人走，數字正在節節上升，移居全球香港人口已經超過一百萬，若只選於香港出生者，加拿大籍香港人超過二十萬，美國也超過二十萬人，英國大概十萬左右，澳洲亦都接近十萬人。（Wikipedia，Canadian census，Australian census）呢度加埋都已經六十萬。
其實喺加拿大，第二代第三代甚至第四代香港人加埋嘅總人口已經超過六十萬，英國大約十五萬，而美國亦都已經超過三十萬，澳洲相信亦都會高達十五至二十萬。再加上散落在其他地區嘅香港人，海外香港人應該已經超過一百五十萬。
香港嘅人口接近八百萬，移民人口超過一百五十萬嘅概念，就即係每5個人當中就會有一個選擇離開，全球最高嘅移民人口國家係中國，移民人口佔總人口7%，而香港就已經上到19%，兩個數字都比起聯合國嘅4%高得誇張，我估原因唔使再解釋吧，唔知兩位女士有冇做足功課先講嘢嘅呢？
喂喂，咁咪即係好似葉太所講嘅「香港不嬲人來人往好平常啫」！如果統計條數真係咁容易俾你解釋，就唔會成為一門學科年中肥咁多人啦。去年已經有九萬人走咗，過去咁多年嘅移民人數大概一百萬（不計算移民第二代），咁多年嘅意思係由1984年中英聯合聲明開始到現在，這37年。37年走咗一百萬人，即係每年平均25,500左右，而家舊年就已經90,000，即係3.5倍有凸，當年大約1990年到94年移民高峰期間每年嘅移民人數都只係60,000，呢啲係公開嘅數據，speak for itself。
香港喺90年代人口大概只有六百萬，即係走的人數佔總人口1％。過去一年走嘅人係已經超過人口1％，點講點兜，呢一波嘅移民潮的確嚟得更加激烈。芬姐更加話移民返內地？國與國之間嘅人口流動先至叫移民呀，你幾時聽過人話由廣州移民去北京㗎？犯國安法分裂國土喎，係咪捉得㗎。
講到底，有邊個真係願意離開自己嘅家鄉，去到別國重新開始？尤其是離開嘅人數咁龐大，走嘅更要係一班精英階層，必定係發生咗一啲不堪回首嘅事，先至會出現移民潮。香港人擁有國際視野，四處去闖，並不代表喜歡旅居他方，離鄉別井。文首兩位女士的如斯說法，不但否認離港者曾對香港所作出的貢獻，那種鄙視，中間卻隱約散發出一種酸溜溜的感覺。
幫唔到手嘅豬隊友，就是這樣。
Comments
James Lo
清醒嘅香港人果然厲害！我哋可以咁樣了解呢條數嘅：我哋假設離開嘅150萬人係屬於八百萬人咁樣你就會得出個百分比係大約19到20%左右。當然呢啲已經係離開咗嘅港人。 咁若然我哋假設將呢一班人全部塞返入香港， 即係香港嘅人口會達到一千萬。 若然呢150萬人係基於呢一千萬嘅基數， 離開嘅人數仍然高達15%，點講都超過聯合國嗰4%差唔多四倍。記住，第一代離開嘅港人，淨係美加澳英已經六十萬，其他散落不同國家（荷蘭都有二萬，台灣、新加坡以及東南亞數字亦都唔少），百五萬，絕對可能。 其實無論條數點樣計，有非常多人離開香港呢個係事實，數學上嘅佐證只係讓我地能夠作出一個對比，令我哋 能夠於移民人數嘅資訊上邊可以作出一個參考。九萬人離開一個數係統計處數字，就一定啱㗎喇，代表香港人口嘅1.2%都係一個事實。 相信未來兩年離開香港嘅香港人大概會超過二十萬甚至更多，希望上述嘅統計數字可以比到大家一啲資訊，讓到大家可以喺選擇去邊一個國家嘅時候仲有啲期數可以參考。 感謝大家熱烈討論
Jasmine Chu
其實佢條數係咪計錯？ 佢講 150萬/800萬嗰150萬係已移出嘅第一代加二、三代,佢講*喺*加拿大等地,咁點會係「選擇離開」？ 嗰150萬唔係已不在港喇咩？
Chris Chiu
所以教授去台灣都無計到
Eric Wong
因為疫情未回港或者延遲回港啫，計計埋埋遲下全球疫情緩和就會抵消返條數，冇事… 真… 真… 真係冇事…
Kirishima
今日都未決定走嘅 其實走嘅決心會有幾大？
Kirishima
其實中共根本唔會關心，佢地最多嘅就係人。 佢地亦不需要以前香港嘅社會架構同價值。 只要一日碼得住華爾街班大帝，而中美政治爭議關鍵問題知所進退一下，香港最大嘅功能依然會發揮到。 如果中美可以平平安安過多五年左右，留響度嘅自然已經慣左，離開嘅仲有無團火都好大疑問，尤其bno 嘅我相信有一部分人根本未必適應到而回流。 其實最重要嘅係中美關係，只要限制住唔好有爆炸性事件，其實「二次回歸」要完工並唔難。
Brett Ho
藍係最仆街，一邊唱好，一邊走佬
CF and WS
多謝這位讀者用統計數據講事實，直線抽擊南深圳嗰堆忠誠廢物，大快人心
Gary Lee
黃籃都移民是真的。但籃絲移民唔係怕左國安法就肯定係錯誤假設。籃雖然多數係腦殘，但唔等於佢無眼睇到國安差佬亂拉青少年，總之後生就係罪。籃唔等於佢地唔知香港無晒自由同秩序，睇唔到香港可能墮落。
Man Lonely
沈教授，89000係净流出，如果唔計净流入果萬幾，係應該超過十萬人移民
阿寶
香港人真係冇移民呢！只係返咗去中國住咋！冇事！冇事！
Zero
歡迎葉女士同梁女士向中央play down 移民潮，為香港人爭取寶貴的時間盡量離開，真係功德無量🙏🏻
Wendy Lam
好明顯，佢哋係死🐔撐飯蓋!😂😂
Henry Tsui
SAR 不宜居 因為變了 Supress Against Reason !?
阿寶
但係又要用盡各種方法阻人移民喎！
Wendy Lam
多謝呢位網友分享!❤️ 講得好好!👍 呢個正苦眼見咁多人(正如你説，好多仲係精英), 走，唔去好好反省!! 仲有果兩位大嬸出嚟廢噏，真係唔怕笑死人，今次走的人都係連根拔，絕大部份都預咗唔番嚟架啦! 你估仲係97同89果時，睇下㸃先？
