simonshen
patreon
【讀者分享】港版粉紅育成記
🕑 Added 2021-08-29 01:01:59 +0000 UTC睇完網友分享她的深藍男友思想，也想回應一下。
自己也曾經在某網聚中有朋友提到「香港嘅情況不樂觀」，即刻有人回應「背靠祖國點會有事」，「我哋應該為自己係中國人驕傲」等回應。要成為呢類港版小粉紅，具備啲咩條件，等我哋一齊討論一下。
有啲認為自己係好理性嘅老一輩，覺得世界秩序重構係不能避免嘅歷史事實，在呢個時代大洪流，既然係走緊呢個方向就應該持有開放嘅態度，接受呢個世界除咗西方民主體制以外，有另外一個龐大勢力正在崛起，與其對峙。佢哋覺得無需過分解讀，只需隨着個 flow而行，「順其自然」，總之於自己嘅層面無風無浪便當贏。反正已屆花甲，都冇幾多年可以睇，冇眼屎乾淨盲，卻忘記歷世歴代嘅暴政，影響的，是自己的下一代。
有人大愛先行，對家蠻不講理，我方以愛包容，出少句聲輸少當贏，甚至認為在信仰上當年也看不到有這些對着幹的反抗歷史，個個都乖乖受罰，最後以大愛成全，顛覆整個羅馬帝國，所以應該好好學習，做個順民聽聽話話，什麼不公義、什麼打壓欺凌都要逆來順受，上帝自然會執行拯救，在位當權者就要好好尊重。這種想法基礎上意識形態會慢慢被蠶食，最後完全忘記上帝教導要為軟弱受壓迫嘅人申冤，要為公義發聲這些教導。
亦有人話反正你做咩都改變不了現實，只係得個噏字，有種便返香港甚至到內地發聲維權，才叫做勇敢走出去，躲在鍵盤後面打打字，叫做懦弱，只係得閒冇嘢做，吹水唔抹嘴而已。他們可能看不起這些以文會友的人，認為只係廢噏當秘笈，卻忘記了兄弟爬山各自努力，文字表達也是捍衛自由的一個方法，能夠匯水成河。
另外也有人表示睇唔到香港有幾亂，反正日日生活如常，樓價繼續升，錢繼續搵，繼續營營役役，表面上一切平靜。那些工會解散，報館執笠，晨早六點國安拘捕，冇乜所謂，反正都唔關我事，什麼黃色經濟圈，冇咗咪幫襯第二個囉。總之對我平時日常生活冇乜影響，就叫做冇問題。之前搞到咁大火候，而家調低咗，大家慢慢 feeling comfortable，做回港豬，super！
那些什麼權益什麼民主自由，通通廢話，冇錢冇得傾，錢搵錢至上，有錢使得鬼推磨，驚死到時冇得走咩。總之咩都唔好諗刮得就刮，死都唔係我行先，選擇性失明，間竭性失聰地 ignore 過去兩年所發生的事。總之銀行戶口繼續飽滿就咩事都冇。喂，馬雲同馬化騰，夠有錢喇啩，有冇得走呀？海航董事，死咗都唔知咩事。
也有人認為大國崛起，背靠祖國應該深感驕傲。現在國內先進發達，「有規有矩」，科技亦進步，甚至比起好多西方國家都要先進，疫情亦都「控制良好」，是全球最快復原國家，應該值得自豪。從外國所收到嘅一切負面資訊，全屬毁謗，誣蔑，是西方社會未能接受東升西降這現實所作出的無理指控，因此就算自己已經旅居海外，仍然心繫祖國，為其「崛起」而感到自豪，卻忘記國內豆腐渣工程，黑心食品等事件，國內民眾寧信外國貨也不願購買本土出產這個可悲現況。
最後更有人話一定係「外國勢力」搞鬼，係都要搞亂香港。當然我哋唔排除有機會有一小撮人係咁，都係嗰句，若然少少人可以令到全香港有二百萬人行出嚟，政府都應該要反省下這一大班人點解咁容易可以被「煽動」，行得正企得正使乜驚。有啲講得出呢樣嘢嘅人，自己都生活係「外國勢力」嘅範圍，講到人哋咁乞人憎，你都係返歸大灣區與國家共榮罷啦。
無論你去到世界任何一個地方，都梗會有一班以上諗法嘅香港人，同佢哋喺呢個範疇上，真係溝通都嘥氣。大灣區南深圳版小粉紅，就是這樣育成的。
Comments
Laska
我身邊多呢類 //有人大愛先行，對家蠻不講理，我方以愛包容，出少句聲輸少當贏// 話唔好自己成為埋怪物，頂，對家係黑社會，你諗住和平感化佢，係咪有病.... 和平感化到就唔係獨裁啦
Ed
有好多海外華人成日掛住最尾嗰兩點喺口邊
Neil Chu
醫生教落千祈咪同啲戇鳩仔拗
Wayne Chan
一路睇，讀完每組即時腦海有人彈出來可以對號入座
me
一句講哂：對自諗住自己利益的人，溝通絕對係哂氣
Amy
其實最多係港豬，但係又豬唔晒，因為啲仔女送晒去外國
Ken LEUNG
不要跟（港）豬打架, 自己一身泥濘，但它們卻樂在其中。人生有限，寧花時間在有價值的人/事上
德州公
中國社會可以係一個因為地陷然後忽然死一億人，社會都冇乜反應. 錢繼續搵，活繼續生嘅國度. 我以六道輪迴下三趣交叉嚟形容. 生活條件非常艱苦嘅，狀況有如地獄一樣受苦. 生活條件唔錯嘅，生活有如行屍走肉，畜牲一樣過活. 中上層嘅天天爾虞我詐，爭權奪利，絕對係餓鬼道嘅寫照. 注意. 佢哋自己係下三惡道自己都唔知，仲覺得「生活唔錯」. 等於烏蠅嬲住啲糞便，佢哋唔覺臭一樣. 覺悟與否絕對係靠佢哋自己
Jackie Hui
最近同朋友食飯傾計，面對去留，睇得出有一類搵錢至上既人，眼見咁多人走，生怕自己才是少眾，不斷搵理由justify自己留低，我都虛心聆聽，我發覺呢類人將生命意義建立咗喺財富上面，而且沒有終點，佢地都係選擇性失明，遠至馬雲馬化騰嘅遭遇，近至親人移民連MPF財產都被困境內，都睇唔到。呢啲人意志好頑強，要經歷生離死別，或足夠嘅痛苦，先至有機會讓佢地思考生命嘅意義。
Wendy Lam
我真係對果啲到而家仲相信香港嘅抗爭係因為外國(佢哋當然直指美國啦)勢力寫個服字!!!!😡 我估如果真係美國有心用錢去搞，一早已經成功咗啦，仲駛而家咁辛苦，坐監嘅坐監，走難嘅走難，收聲嘅收聲？？？
Jon T
I have a few in HK and overseas. All it takes for them to forget is 2 years. And it wasn’t a reflective of lesson learned, but a pervasive sense of indifference because of the importance of money, status and cronyism （以錢為上，一味靠擦鞋。）
Jack Lau
我身邊已經有好多了😶🌫️
