simonshen
patreon
【國際關係深度評 🇪🇺】 現實很骨感：歐洲有可能組成聯軍介入烏克蘭嗎？
🕑 Added 2025-02-21 01:01:01 +0000 UTC談及美國、俄羅斯和談下的烏克蘭戰爭終局，隨著形勢急轉直下，不少人把最後希望寄託在歐洲國家身上，以避免烏克蘭實質上戰敗、被逼割地，然後鼓勵世界各地獨裁者以武力解決問題。然而歐洲國家有可能力挽狂瀾嗎？理想是一回事，現實卻是另一回事。
如果單純看數字，就算沒有美國，只要歐洲國家組成聯軍，沒有可能不能抵抗俄羅斯，這也是特朗普念茲在茲的計算。如果單是一個烏克蘭也可以抵抗俄羅斯三年，歐洲各國加在一起，總有一定人力資源（包括僱傭兵），武器的先進程度可能更優於俄軍，核彈數量雖然不多、但起碼過了門檻，經濟實力亦不能小覷，加上（起碼理論上）近年逐步減低了對俄羅斯的能源依賴，組成一支十萬人聯軍和俄羅斯東西對峙，理應力所能及。
然而歐洲各國都是民主國家，一定需要看國內民意，而且各國之上還有歐盟（脫歐後的英國除外），又要顧及歐盟的種種結構性限制。現在歐洲各國經濟不景，國內右翼紛紛坐大，而且不是主流右翼，而是另類選擇黨、國民陣線、ReformUK那些非主流右翼，同時極左勢力也有一定市場，主流政黨已經步履維艱。這些政黨崛起，很大程度上源自難民危機、移民政策等的反彈，它們對支援烏克蘭毫無興趣，只希望改善經濟，向國內選民交代。
如果歐洲國家的民選政府這時候出兵，還不用談要死多少人，單是大幅度增加軍費，at the expense of 其他政府開支，選民就會即時反彈。這無異於佐證了特朗普一直以來的批評：歐洲是美國的 freerider，自己拒絕增加軍費而搭美國的便車，卻同時與美國市場競爭，盈餘用來支援國內的福利社會，這一切是時候結束了。
就算歐洲各國出現強勢主流領袖，可以短期內有辦法增加軍費、而不下台，也不代表聯軍就會出現。歐洲各國四分五裂，要主要國家都達到增加軍費的共識非常困難，如果有些加、有些不加，這是組不成聯軍的，只會把壓力放在個別單一國家，而無論是英國、法國還是德國，要單獨行動面對俄羅斯，都是想也不敢想。
何況一旦歐盟內的歐洲國家大幅度增加軍費，就可能出現財赤、通脹。歐盟卻有審慎理財原則，避免一國的經濟危機火燒連船，要是德國、法國金融不穩，可能失去歐盟整體的經濟競爭力，屆時還要面對美國事先張揚的關稅戰，怎麼說也是投鼠忌器。
在大歷史角度，這可能是歐洲成為單獨一極的最後機會，剛才說的所有結構性難處也不是無可克服，看看小國寡民的以色列居然有和列強平起平坐的話語權，就明白甚麼是事在人為。
然而主流政客始終太受主流規範，最可能的結局，始終是美俄劃分勢力範圍之後，然歐洲各國單純派出部隊「維和」，換取烏克蘭重建的若干邊緣利益，美國可以節省軍費，俄羅斯也已經算是對歐洲鄰國示好（因為目前開價是拒絕外國部隊維和）。
這是不是很無奈？是的，很令人鬱悶，但世界進入新時代，哀嘆並沒有用，還是要思考如何自處為善。
▶️ 「城外的人想衝進去，城裡的人想逃出來」，歐洲真的團結嗎？脫歐、戰爭，與歐盟的未來——《想像歐盟：重新回到世界中心》作者尹子軒、孔德維對談
https://www.youtube.com/watch?v=j4l5ElhShH0
Comments
Pomoron
雖然歐洲通常都係大隻講，但觀乎自Hegseth在大概十日前講明美國現實上不可能將重心放在歐洲，及其後一大堆美國政客廣為報導的言論之後，過去一星期歐洲似乎真係會有所反應。當然星期日德國大選，選前冇人敢大幅談及烏克蘭呢壇杰野，選後如果CDU/CSU的Metz如預期當選應該會比現任Olaf Scholz反應更積極(係呱?好難再頹過佢) 如果以馬克龍星期一邀約一班挑選的歐洲元首後 (好事，起碼唔使理匈牙利呢D搞事分子)，過去兩三日各大歐洲媒體報導的情況，以地理劃分各國反應，似乎係 第0排 (前蘇聯加盟共和國)：重災區，自求多福，頂得就頂...... 第1排 (前華約國家): 波蘭不太願意派兵去烏克蘭，可能因為自己都正面對住俄羅斯? 佢軍費佔GDP歐洲已經最多。還有一堆中東歐國家，但除捷克以外政府不是已經親俄就是選舉/政權出亂子(羅馬尼亞) 第2排 (德、意): 出於犬儒又好、自身利益又好，佢的確要負責最重要old europe的防線，所以可能最後出錢未必出人 第3排 (英、法): 就負責派兵維和。甚至加埋瑞典
Elaine Yip
歐盟不合作出兵怕經濟陷困境, 但美國加關稅也同樣經濟陷財赤嚴重, 若怕俄羅斯出核武, 現在適事寧人, 不出幾年也要面對俄羅斯侵略步烏克蘭後塵, 所以還是應該結盟助烏才是明智, 同時特朗普必然也要做後盾, 至少站在正義一方與美國仍保同樣民主常識價值觀。
a
現今嘅左派政府同樣會將資源放係福利主義/NGO/中東難民上、一樣唔會有錢。講到尾只係屆時執政黨有冇決心做。
Joseph
坦白講，今日歐洲頹廢境況係幾十年黎美國長期保護下衍生既結果，係北約保障下國家生存權不受影響，就唔會有人想比錢擴軍 要解決其實都好簡單，只要美國退出北約，聯同/任由俄國肢解歐洲，只要有充足亡國危機感就會行動，二戰前大家咁窮咪一樣照樣要揸搶打仗，之前覺得呢樣零可能性，even trump 第一任時期，但宜家咁未必完全唔會發生，佢第二任好似想向全世界報仇咁，咩都可以去得好盡
pp lam
可能要歐洲擺到極右削減開支後，再擺回主流政黨先有多餘錢建軍，而家睇黎都好眇望
KTH
咁我寧願揀沈教授第二個結果，賣烏東俾俄佬，然後有美企美軍黎守住烏西，仲駛乜北約同歐洲軍。出賣晒又點，換黎至少50年安寢，同雞本法有得揮。講講下，我都唔知邊個出賣啲乜嘢俾邊個，越講越亂。
Gary Lee
現代六國論。如果呢個咁 critical 嘅 moment 歐盟退縮，其實 eventually 歐盟就玩完。邏輯上，如果各國無能力增加軍力，咁日後又何德何能負擔美國要求嘅軍費。唔交軍費，侵亦大條道理唔保護歐洲，俄羅斯繼續打歐洲佢只會有著數冇蝕底，無任歡迎。 今日割烏東，明日一定割烏西。一夕安寢，而俄兵又致矣。如果一個對上千年都打仗嘅地區都唔明呢 d 道理，唔死都冇用。
EY
教授，咁嘅變化，長遠會擔心你身處台灣嗎？
Cristian
當年伯羅奔尼撒戰爭，希臘城邦敗於斯巴達聯盟。今日，歐洲國家的墮落，都是適者生存
a
東歐背後都係美國為首投資同軍直支援、你要代替佢就係西歐肯重整架構代替美國。 做左free-rider咁多年、你好難認為到佢地有能力又有共識咁做。單係中東難民都玩死歐洲十幾年
a
現今世界係5%人持有95%嘅錢 兒戲投資一定係自己吃虧
Good Year
希望你中
HO Wong
星斗小民依然可以做少少嘢嘅： 1. 買下烏克蘭產品 2. 沽少少美元，買少少金？
Pierre
As social networks & all of media (including FB, IG or YT) that everyone are rushing to comment everything, why don’t wait until the results. 可能呢啲就係現今社會及科技發達下嘅急促節奏，everyone would be KOL（意見領袖自古以來都有）所謂政治嘅變化一日都嫌慢，但未有結果下就下判斷就只會失之交臂及使人焦慮。 我哋去觀察一件事的發展，唔應該睇佢講乜，應該睇有做過啲乜和無做到啲乜，談判都未開始，就已經落定結論，會否太早！？我唔知坊間嘅KOL（好聽叫評論員）有冇實質做過任何政府決策人or智庫（呢點好重要）如果只係生活喺象牙塔嘅學者，甚至係只分析幾篇文章就下定論的普羅KOL，試問又否足夠經驗去判斷當下形勢？好似有做過官（政府決策層）就會比一般人有更好的經驗和判斷能力，明白過程係點樣，唔係話佢哋一定有內幕消息，而係話會知道談判、政策要進行時有乜手法去run。如果聽一啲無相關經驗（甚至連大公司都無做過的人）就相信形勢如其描述下走向，就太危險了。好似睇foreign affairs咁，你會相信有外交官出身嘅撰稿人，還是相信一世在大學研究的學者。我唔係話學者無料到，係個世界充滿變化，學者研究事後結論會好過對未來預判。 所以我相信現在係談判前，各方面堆緊籌碼及將為放煙幕的手段。大家都有一個終極目標（當然未到時候出trump card）好比將個波射入網前所有嘅插花、假腳、no look pass都係為將對手fake低而做。 PS:咁快大家將侵鞭打，點解唔插下歐洲及普J賤格？我身為美國人，好自然覺得歐洲事離我太遠，只要有生意做，個局勢拖落去未嘗不是好事。好比自己老公唔爭氣去搵錢，但個老婆怨懟六合彩點解唔中，從來無諗過鞭下個老公or搵個好啲男人一樣荒謬。
Connie Tse
其實大家只把重點放在英德法，在歐洲有一定軍事實力的，還有波蘭和瑞典，他們更靠近俄羅斯，有什麼事他們就是頭一批遭殃，波蘭整體在過去廿多年，很努力擺脫蘇聯時代控制的陰影，而且是歐洲少有過去廿年GPD有升冇跌的國家，國內不少人本身就有烏克蘭血統，根本就是血親。另外，瑞典過去二百多年都在防俄國和後來的蘇聯，且再看看吧！
