白兵 Stormtrooper
patreon
雪糕update：23／11／2023（星期四）可以上黎拎雪糕啦！
🕑 Added 2023-11-20 12:48:44 +0000 UTC大家好！
千呼萬喚既天然手工雪糕終於出到貨！遲左少少唔好意思！
今個星期四或之後既時間，大家可以上黎自取啦！（不設送貨）
上黎之前，請先dm Instagram Admin (https://www.instagram.com/nothing.happened19/) 預約時間
或者 whatsapp聯絡 https://wa.me/85268258216
萬分感謝！
地址：觀塘工業中心一期12樓L室
注意事項：
1）為了保護環境，請盡量自備保溫袋
2）我們會附送大量冰粒以保存溫度，同時亦請會員們盡快把雪糕放入冰櫃
四款雪糕介紹
全天然乳酪 紐⻄蘭蜂蜜金枕頭榴連雪糕
「雪糕」就係水果+乳化劑，再加水加糖，然後加啲空氣落去，一直雪，咁樣造出嚟嘅就叫「雪糕」。
但係我地做嘅雪糕絕對唔係咁樣!首先要真材實料，如果話你知幾十元一杯雪糕，可以食到貓山王，我一定係呃你，買個貓山王都幾百元啦，邊可能做到呢個價錢?
我地用泰國嘅金枕頭。金枕頭有層衣，然後有啲肉，再然後都係有層衣，簡單來說 有兩層衣，中間有啲肉。收咗身、夠熟嘅榴蓮，肉夠Pasto又不太水，咁先有一個似牛油嘅效果，先可以將香味流暢地搽喺你嘅嘴上，令你感受到榴蓮嘅香氣，如果榴 蓮太濕的話，就沒咗呢個效果。
另外，我地仲有自己做嘅乳酪，而唔係牛奶，有發酵過，有微生物，對腸胃好。亦 因為冇用乳化劑，買咗就盡快食。 由於我地嘅做法就係唔放鮮奶，唔放乳化劑，所以我地嘅雪糕係追唔上人地咁smooth。即係簡單如Venchi都唔可以買返屋企食嘅，因為很簡單，你喺度食同拎番屋企冰過之後，因為溫差，雪糕已經完全變質，所以如果大家要追求嗰啲好smooth，好chemical嘅feel，千祈唔好幫襯我地。
我地嘅雪糕只係標榜幾樣嘢:
第一，Organic;
第二，我地完全唔用任何化學東⻄，所以請你買咗盡快食，都唔好買咁多，因為我乎做唔晒;
第三，我地絕對唔會用白糖。白糖係好平嘅嘢，但係我地唔用，用蜜糖，而這個蜜糖要嘅係紐⻄蘭蜜糖。
因為蜜糖結構關係，喺你身體唔會造成胰島素，唔會造成胰島素抗阻，就係咁簡單，信不信由你。
反過來食咗白糖會立刻胰島素抗阻，爆胰島素，而且完全冇任何對你身體好嘅嘢。蜜糖起碼抗氧化先，又有大氨基酸，大嘅花粉，是對身體好先。
我地將金枕頭隔渣，再將它做一次好似乳酪咁發酵，發酵咗就會令味道更加濃郁，然後再加埋蜜糖同乳酪，就造成榴蓮雪糕啦~
全天然自家莊園薄荷葉檸檬安眠紐⻄蘭蜂蜜雪糕（爆檸版）
首先用我地自己莊園種嘅薄荷葉(我地有份去幫手摘同洗㗎)。大家飲檸水、檸茶都
會明白，檸檬除咗酸味之外，仲有清香同其他味道，就咁檸檬汁係永遠都唔會有檸檬
清香嘅味道，而我地呢個雪糕就可以食得到。因為我用咗大家唔要嘅檸檬白同埋檸檬
皮，而檸檬嘅清香就係嚟自呢兩樣嘢。
再加上薄荷葉+檸檬，有安眠+穩定情緒嘅作用，加埋我地嘅蜜糖，可以好好咁解滯
同幫助消化。
爆檸版的出現係一次外，因為第一次唔記得加水，結果出現極濃版薄荷葉檸檬雪糕，一食即尖叫！
香檳香桃乳酪 紐⻄蘭蜂蜜雪糕
桃肉同香檳好夾，再加埋我地嘅蜜糖同埋乳酪，味道相當唔錯，大家可以一試。
18種酒冰滴咖啡Mascarpone芝士Tiramisu
Tiramisu係由一個意大利廚師，將啲剩低嘅嘢放埋一齊而做成，之後發覺咖啡、酒、
馬斯卡邦芝士、餅碎組成一種味道，餅碎吸收咗酒嘅味道，然後喺馬斯卡邦同奶油慢 慢發酵，將香味好流暢地填入奶油嘅洞。所以你一咬落去，香氣加上油脂就好似塗抹 布一樣，塗喺口中充滿味道。
再加上滿滿甜酒同糖嘅餅乾碎，甜味同奶油感嘅衝擊 下，呢個就係Tiramisu。一路發展下去，大家用嘅酒越來越好，餅碎又有考究，馬斯卡邦比例都有不同。 我地用18種酒做的，食得出就你叻，食唔出我地都唔會講~再加上我們係用冰滴咖啡，所以好老實講，這個完全違反咗「健康飲食」，呢個雪糕係絕對100%不健康。
不過食一杯係死唔去嘅，就算係死，都要死得有價值!死得眼閉!你揀食煎釀三寶死定食呢個Tiramisu死?
你落到去點同閻羅王交代呢?
Comments
Timothy Chan
初嚟報到🙇🏻🙇🏻，等緊新一轉雪糕🙆🏻♀️
Zacky Meow
今日拎左，食左榴連味好L正👍🏻
