白兵 Stormtrooper
patreon
EP 114 白兵新聞電台 X 新聞廣播塔 20240304
🕑 Added 2024-03-04 10:10:22 +0000 UTC財政政策最基本概念就係，你係永遠無可能魚與熊掌兼得，你要解決人工成本問題，本地人工就一定要減；你要削減財政赤字就一定要加稅或者減福利，無得呢頭你屌完政府發債無錢還，果頭你又屌尻點解退稅退咁少又無消費券地鐵加價
另外所謂時事KOL成撚日開口埋口政府無政策、無公共理財哲學，但佢地根本連呢兩個字點解都唔識，結果年年都係用牛頭角順嫂角度評論時事呃Like，同茶餐廳論政無分別。所以有啲人好憎我節目入面認叻，無計，我真係識得比人多、同埋知你地錯乜丫嘛
早兩日曾俊華出咗篇文抽陳茂波水，客觀講，當日佢成日鼓吹昋港好快會有結構性財赤，呢樣嘢佢係講中咗，唔到佢唔認叻。問題係
1. 究竟當日香港財政有盈餘而今日係赤字，有幾多係同你才能有關、有幾多係同經濟有關？當然你可以話運氣都係實力一種，咁當日你選特首輸比林鄭，咪臭係你最大嘅福氣囉
2. 曾俊華話「香港只係一個地方特區，又唔可以同有啲地方咁，可以大量印錢紙，所以拎香港嚟同其他國家相比，似乎就唔係太適合。」好明顯係錯哂。先唔好講香港作為一個獨立經濟體，當然唔應該同一般地方政府比，除非你從來都覺得香港過去幾十年只係一個地方城市，經濟成功完全係靠背靠祖國、同香港自己完全無關啦
但最重要都係，全球大把城市都係借債渡日：舊年加州州政府預算赤字係680億美金，5410億美金債務入面，曾經有186億美金債務違約；紐約、德州全撚部都揹緊三千幾億美金債務。至於中國單單一個天津市經已去到九千億人民幣負債，上海市都有七千幾億負債，邊個同你講地方政府就唔可以同國家債務比較？
3. 曾俊華話加稅好難彌補倒開支，所以削減經常性開支先係正途。問題係就算停哂所有基建開支最多都只係可以幫政府慳倒1000億，剩番果八九百億你敢唔敢講究竟減咩福利先平倒條數？梗係唔講得出口啦，當日曾俊華話要削減1%醫療開支咪比人屌到反艇囉！講埋出黎至少少一半like，邊有人咁蠢會咁做？
我就夠膽：
• 1. 停建居屋甚至所有公屋以外嘅資助房屋。我實在係難以容忍響樓市仆街之下，政府竟然仲用公帑津貼人買樓，要買唔該去私人市場買；
• 2. 全面取消交通津貼：同理，波叔而家只取消咗「搭車兩百蚊以上都有補貼」嘅特惠措施又係唔湯唔水，應該一嘢剷走埋；
• 3. 老人搭車津貼加到3蚊、禁止繁忙時間使用，每月設上限、回復番65歲門檻：呢個完全係林鄭時代亂派錢嘅垃圾措施，我唔反對用交通津貼鼓勵老人家出街，但而家濫用到每年開支破百億，根本已成為浪費公帑黑洞；
• 4. 逐步將長生津延後至70歲申領，同生果金睇齊：延後退休年齡係全球大勢所趨，無理由香港作為全球最長壽地區之一，退休年齡竟然同其他國家睇齊。甚至乎應該索性將「長者」定義由60至65歲改成70歲，減輕人口老化負擔
• 5. 回復師生比例至林鄭時代前：呢個又係痴撚線亂駛錢嘅措施。話說當年林鄭為咗收買教協，竟然癲撚到每間學校增加0.1師生比例，等學校可以請多啲教師，表面上聽起黎0.1好似無乜嘢，實際上就經已增加每年幾十億開支。
• 6. 羅湖站加價：其實根本唔需要搞陸路離境稅，本身羅湖站票價偏低經已係一種福利黎，先唔好講要增加出境成本，地鐵少咗咁多賣地收入，當然要靠加價幫補下，而羅湖站加價就係對香港居民影響最少嘅做法；
• 7. 立刻大幅削減甚至完全中止對創科資助，唔係話呢啲嘢幫唔倒手，甚至我都認識唔少搞IT嘅人都有受惠於呢啲資助。問題係政府每年擲過百億響創科發展，所得嘅回報根本不成比例，結果去到今日同好多政府資助一樣，變成咗「另類綜援圈」，比一班識得人事關係、或者擅長寫Proposal嘅人賺大錢落哂袋。現實就係，香港根本就唔適合搞IT，又或者就算搞，都政府都唔撚識搞，由得個市場自行決定點發展算啦
當然響增加收入方面，亦唔一定要靠加稅，問題從來都係你個政府夠唔夠膽接受新事物：
煙花合法化好過你月月放煙花、放寬幣市監管、開放運動博彩賭牌、電子煙合法化，每一樣都同你國安無衝突，點解唔搞？
然後我都仲未講開賭場、大麻、莞式紅燈區呢啲……因為呢上面四樣都唔做，其他都唔駛旨意
全港有機日大炒車，證明移民KOL點解無資格評論香港。黃屍骨子裡就係狗眼看人低、土豪心態，話崇尚西方民主價值觀根本係笑話
Comments
K Square Lic
地盤一向都有外勞，有大陸，有尼泊爾，仲有少數非法外勞
Yiu Lung Li
加空置稅係最唔影響民生，你成日講減支出，講十樣有八樣都搞平民生活
